SI TAMPOGI NG BUMIRADA, SIR ULTIMOKUWARTO IKAW ANG BIDA

[tampogi]

 

[Sir ULTIMOKUWARTO, FINALSTRAIGHT ang panalo

Nung una akong sa PHF ay mag-miyembro
Merong isang tipster ako na inidolo
Alyas nya ay FINALSTRAIGHT, mga tip ay pasado
Sa mga rota at taya ko, tip nya ang gabay ko

Nang magka-problema, ang site natin nung una
Ang suki kong tipster, tila rin nawala na
At nung manumbalik, ating site na PHF
Ay muli kong hinanap, posting ni FINALSTRAIGHT

Pero ako ay nabigo, at tuluyang nanlumo
Ang sabi ko sa sarili, ang suki ko ay nalayo
Baka siya ay lumipat, sa ibang site ay humalo
Sayang di ko man lang, nakilala ang idol ko

Mga araw ay lumipas, sa site nating walang kupas
At maraming nakilalang, tipster na magigilas
Na sa aki’y tumulong, sa paglipas ng mga oras
Sumandaling nalimutan, kay idol ay kumalas

Marami ng PHF EB ako na napuntahan
Sa bawat umpukan, dama ang kasiyahan
Akin ng nakalimutan, hanap na kaibigan
Tila wala ng pag-asang, siya’y muling masumpungan

Hanggang isang araw, isang tipster ang natuunan
Tila ang kanyang istilo, parang hindi na bagito
At halos tant’yado, sa pagpili ng kabayo
Sukat n’ya ang takbo, pati ugali ng kabayo

Bigla kong naalala, idolo ko nunong una
Ganito rin ang porma, kung s’ya ay magkarkula
Sa bawat karera, hinihimay n’ya ng sobra
Upang karera tip n’ya, ay huwag mapasala

Ako ay nagtanong, sa mga friend ko dito
Sino ba ikako, si ULTIMOKUWATRO
Iyan sabi nila, tipster na beterano
At sa PHF, matagal na rin siyang miyembro

Sa pagtatanong ay aking nalaman
Siya pala si FINALSTRAIGHT, ang nawawala kong kaibigan
Na una ko ng sa PHF, ay  lubos na hinangaan
Sa aking nalaman, nalubos ang kasiyahan
Kaya naman inambisyon, siya ay aking matunton
Upang makilala, makita s’ya in person
At ang aking paghanga, personal kong ipatugon
Ikaw sir Fred ay matagal ng, makita ang aking layon

Sa EB ng Manilenyo, ako ay nabigo
Hindi kasi kami nag-abot, maaga daw s’yang humayo
Kaya ang sabi ko, next EB sana ay makita ko
Ang aking idolo, makapiling s’ya ay panalo

Sa wakas ay nangyari, ang CAMANAVA ay nag EB
Super m siniguro, si Sir Fred ay paparito
Antay-antay lang tayo, mamaya ay makikita mo
Si Ultimokwarto, matagal ng hanap mo

Nang kami ay magkita, hindi ako makapaniwala
Akala ko si Sir Fred, ay isa ng matanda
Pero hindi pala, at mukha nya’y tila binata
Kasing tikas ko pala s’ya, habulin din ng mestisa (he, he, he)

Tahimik s’yang tao, angat ang porma n’yang macho
Nang s’ya ay makamayan ko, ramdam ko na ang panalo (talunan kasi kami nung araw na yun, he he he)
Masaya na ako, naipaabot ang pakay ko
Makilala si idol, ang tipster na may panalo

Bagamat sandaling oras, ang aming pag-uusap
Ako kasi ay kargado, inuming singko litro
Medyo ako ay tuliro, oras na kasi ng pag-uwi ko
Si misis ay nag-text na, ako raw ay umuwi na

Next time na tayo ay magkita, matagal na ang ating paghu-hunta
Upang mas lalo pa, tayong dalawa ay magkakilala
Ramdam ko kasi, kabaitan mong dala-dala
Larawan ng tunay, at the best na kaibigan

Ngayon ay malakas na, loob kong manaya
Nagbalik na kasi, bwenas kong taga-giya
Malamang ay pakyaw, swerteng aking mapapala
At aking mababawi, pagpapalang nawala

/b]