PHF Dugtungang Tula

[eufsangels]

Kung ang sinta'y ulilahin
Sino pa kayang tatawagin
Kung hindi si Neneng kong giliw
Ay naku, kay layo sa piling...

Magandang araw, mga ginigilw
Dito sa hiblang puno ng aliw
Kalusugan nawa' ay dumating
Sa araw na tayo'y nagpipiging...
 

[eufsangels]

Araw na maganda ay natapos na
Ngunit tuloy ang saya na nadarama
Kapag ang friendliest site ay nabuksan
Buong-buo ang araw ng ating samahan...

[arniebartley]

Magandang gabi mga iniibig
Dalangin kong sa galak kayo'y tigib
At ang mga puso niyo'y puno ng pag-ibig
Na laging pagmamahalan ang tibok ng dibdib!

O aking Utol muli akong napasilip
Sa friendliest site, mahal nating PHF
Wala itong katulad sa larangan ng friendship
Kaya nga paghihintay ng Sabado'y ako'y naiinip!

[eufsangels]

Magandang tanghali po sa lahat
Tanghalian din sa aki'y nakatapat
Araw na masigla't puno ng pag-asa
Nawa ay matapos sa bawat isa

Bukas ay araw ng mga pagtitipon
May EB sa PALM sa dako paroon
Gayundin naman kami'y magtitipon
Bilyadores at bolingeros, bukas ng hapon...

Nagkatapat-tapat palaro at piging
Samahang malakas ang maituturing
Sa darating na Pasko, aking hinihiling
Mabuting kalusugan ang mapasa-atin...

[eufsangels]

Magandang umaga, mga kasama!
Araw ng Sabado ay sadyang abala'
Mga alagad ay tuwirang magpupunta
Sa mga palaro at piging na handa na...

[arniebartley]

Maligayang Pasko at Masaganang Bagong Taon
Ito ang bati ko sa inyong lahat ngayon
Sumaatin nawa ang biyaya ng Panginoon
At pagpalain Niya tayo sa lahat ng panahon!

[eufsangels]

Salamat at muling nakatunghay
Dito sa aking pangalawang bahay
Nawa'y palarin kayong aking mahal
Sa taong darating sa ating buhay!


Maligayang Pasko at Manigong Bagong taon sa lahat!

[eufsangels]

Ano mang agam-agam ang nararamdaman
Sa taong ito'y atin nang iwan at wakasan
Ang bagong pag-asa sa ati'y maghihintay
Sa pagdating ng bagong taon sa ati'y binigay!!!

[Toshio Abe]

Ang darating na bagong taon ay ating masayang salubungin
Kalimutan ang problemang naglagay sa atin sa alanganin
Isipin kung papaanong darating na kasalukuyan ay palalaguin
Upang ating makamit ang lahat lahat ng ating mga mithiin

[eufsangels]

Bagong taon na nga at tayo'y magdiwang
Bagong pag-asa ang sa ati'y nag-aabang
Tayo'y magsikap at sundin ang pangarap
Mabuting kapalaran ang sa ati'y maganap...

[tampogi]

Bagong Taon na masaya, punong-puno pa ng pag asa
Hindi ba't iyan ang inaasam, sa puso ng bawat isa
Upang iyo itong makamtan, pagsisikap ang iuna
Gabay ng maykapal, lagi mo sanang isasama

[Trusty]

Tunay ngang una sa lahat ating pasalamatan ang Dakilang Lumikha
2009 iiwan ang hindi kaaya-aya at alalahanin lamang ay mga magagandang nadama
Hindi man sambitin sa AMA, tiyak ako sa isang mapayapa at masaganang taon
siksik liglig na kayamanang pangangatawan at pangkabuhayan ay siguradong aayon

[arniebartley]

Dito sa aking muling pagsungaw
Masaya na ito'y aking matanaw
Ang tahanang madalang na madalaw
Biglang sa 'king isip ito'y pumukaw...

Kaya naman ngayon ako'y bumabati
Sa inyong lahat dito, may kasamang ngiti
Nawa ang pagpapala ng Diyos ay mamalagi
At bawa't isa sa 'tin sa Kanya'y manatili!

Ang aking dalangin sa ating Panginoon
Sa patuloy na paglakad nitong bagong taon
Ang PHF nating mahal ay lalo pang yumabong
Sa pagkakaibigan na lagi nitong baon!

[eufsangels]

Ang lindol sa Haiti ay nakakalunos
Tuhod ay nanginig nang aking matalos
Napakaraming mga lahi doo'y naubos
Ang bansa'y nagluksa't naghikahos

Ako ay nag-isip kung bakit nangyari
Malaking kapahamakan ay dumarami
Hindi ba kagagawan ng hindi mabuti (evil)
O' nagbunga ang hindi natin pag-intindi

Binalewala natin ang Inang Kalikasan
Mula sa simula, tao'y naging kawatan
Inang Kalikasan, pinagsasamantalahan
Sinira ang hangin, dagat at kabundukan

Ako'y natatakot sa darating na mga araw
Baka itong kalikasa'y hindi ko na magisnan
Sa aking pag-gising, sa tubig nakalutang
O' ang bahay kong bato, inaalog na mainam

Kailan ka pa kaya gigising taong marikit
Diyos sa iyo’y nakatingin, hindi pumipikit,
Hihintayin mo pa bang malagay sa panganib
Tanging mundo nating tigib ng pag-ibig!

[eufsangels]

Gusto sanang mag post ng tula
Makaluma ngunit mabuti ang dala
Ito'y ginawa ng 'di kilalang banyaga
Basahin mo, "Doing good" ang tema...

“I Shall Not Pass This Way Again.”

Through this toilsome world, alas!
Once and only once I pass;
If a kindness I may show,
If a good deed I may do
To a suffering fellow man,
Let me do it while I can.
No delay, for it is plain
I shall not pass this way again.