TAMBAYANG TULA AT BALAGTASAN!

[kites182]

pagsipat ko'y naunsyami,
silip ko pa nama'y kay rami. 
mga kabayong may buti,
pahinga muna at muni-muni.

sira ba ang makina?
o ang bayad ay wala pa?
dapat sagutin nila,
adik sa karera nangungulila na. 

[yajiba]

ako ay nagmamadali
sa aking pag uwi
dahil nung linggo
ako ay naburo
dahil sa disgrasya
hindi nakapangarera
ako ay umaasa
na sana ay maayos na
kung ano man ang problema
dapat ayusin
para ang karerista
manumbalik ang sigla

[lucky irish]

mga katoto, wag mag alala
ang pag kabalam ng karera
ay pansamantala.

bukas makalawa tayo ay sisigla,
takbo ng mga kabayo'y masisilayan
na.

maigi't tayo ay makapahinga,
upang kwarta ay hindi maaksaya!

 

[eufsangels]

Aba naku naglitawan ang mga batikan,
Sa halip na taya, ang sinipi'y mga tula!
Mga tulerong kites, lucky irish at yajiba,
Sa tulang ginawa, angking galing ay nakita!

Kung kayo ay masaya o' may tampo sa buhay,
Mahirap isiwalat kung pangkaraniwang isasaysay!
Dito sa Tambayan ibigay mong walang humpay,
Mga siniping tula na istorya ng iyong buhay!


 

[Alasan]

Totoo nga ang chismaks, naku, naganap na
Ang pagkawala sa SLLP ng karera.
Mga kareristang nagkandaduling sa programa
Expected na talaga ang pagkadismaya.

Ang masakit po lamang ay walang paliwanag
Ng technical problem na hindi nakailag.
Kay laking negosyo bakit nangangarag
Baka management nito ay puro mga bulag.

[eufsangels]

Sa anim na botelya nitong cerveza,
Kapag ito ay iyo nang natungga,
Ang iyong alaga ba'y titindig pa?
'O mananahinik, tulog na, tulog na!

Ang sabi ng iba kahit pito 'o walo pa,
Siyam, sampu, o mahigit sa labing isa!
Lalong titindig kung katabi ay maganda,
Dalagang amoy pinipig at nakakahalina!

Depende raw po kung sino ang katabi,
Ito ba'y mabango at naka skirt na mini!
Baka ang nainom mo ay sadyang marami,
'Di namalayang katabi'y matipunong lalaki!

Ayyyyyy!

[lucky irish]

Cerveza, lambanog o tuba pag iyong
natungga, pag ka lango'y agad ay
tatama.

Pagtindig ng alaga'y hindi alinta,
pinay na kasama'y tiyaking hindi
madaya, baka ika'y magaya
sa halimbawa ni makatang eufsangel
na ang katabi pala'y matipunong lalaki!

waaaaaaaaaaaaaaa!

 

[dehadistangpinoy]

O bakit kay sarap
NBA live ay kaharap
Paborito kong Lakers ay nagwagi
Kawawang Spurs ay ginapi

Nasambit nga ni Pareng donvi
Bakit daw si Manu Ginobili
Di makapasok at ubod nang lamya
Baka raw pinasok na nang Mafia

Kay galing talaga ni Kobe Bryant
Kahit si Bowen ay di kayang pigilan
Natapos ang laro na 2 ang lamang
Katunggali'y wala tinuran kundi
Congrats na lamang.

[lucky irish]

Sadya ngang kahanga-hanga
L.A. Lakers na hindi pabaya,
Kampeong katunggali walang nagawa.

Pagbalik sa bakuran tiyak tagumpay ang pakay.
Mga tagahanga'y siguradong hindi magkakamayaw,
kaya't abangan paboritong koponan tatanghaling
kampeon na naman!
 


 

[eufsangels]

Bakit ang shoutbox ay biglang umusok,
Nang mga NBA fans biglang bumulusok!
Mga kabatang PHF na idolo ay si Kobe,
Ang sabi ko naman, fan ako ni Jaworski!

Naghuhumiyaw ang lahat ng Lakers fans,
They say that the championship is at hand!
Ang sabi ng iba na si Kobe'y walang kwenta,
Boston is it at si Paul Pearce ang rarampa!

Ganyan nga dapat pag nagkakatuwaan,
Gawing sports lang at walang bangayan!
Dahil pag maganda ang magiging usapan,
Sa pagkakaibigan, PHF na nga ang sandigan!

[IsoCam]

     "Pag-ibig anaki'y aking nakilala
      Hindi dapat palakihin ang bata sa karera
      At sa katataya kapag namihasa
      Kung lumaki'y walang hihinting ginhawa."



        Paano kaya kung 1 Winner sa Take-All

[eufsangels]

O' anong sarap ng isang tagumpay,
Mga kamay ko'y itinaas at winagayway!
Isang labanan pukpukang walang humpay,
Ang nanalo sa huli sadyang di sumablay!

Nagkita muli sa kampeonatong labanan,
Celtics at Lakers,'di magkamayaw ang fans!
World Pro Championship ang mapapanalunan,
Kaya ganung kahalaga sa bawat koponan!

At kanining umaga ay ating nasaksihan,
Unang sultada nitong dalawang batikan!
Mula sa umpisa walang tigil pukpukan,
Hanggang sa ikatlong kanto ng bakbakan!

Ngunit, datapwat, alalaumbagay, bakit?
Itong koponang Celtics ay ubod ng lagkit!
Hindi lang dumikit sa Lakers na marikit,
Nanguna pa at unang panalo'y nasungkit!

Kaya nga mga fans ng Boston ay masaya,
Ngiti'y abot tenga lalo na yung nakapusta!
Masungkit kaya ng Celtics itong ikalawa,
O' malukot ang mukha pag Lakers ang nakasalba!

[Alasan]

Oy, Tito EUFS, basketball ka dyan
Para namang hindi mo namamalayan
Sa SLLP karera'y pinagtampuhan
Si Pareng Reyno (hehehe) ay kawawa naman.

Nasabay pa nga ang pang-iintriga
Sa kumare kong si Marian Rivera.
Video sa youtube ay todo-bandera
Ayun si Marian, galit at nagmumura.

Mabuti pa kaya ay hintayin natin
At baka ang uwak ay puputi na rin
Kung si Obama ay tunay na papalarin
Sa election doon sa probinsya namin.

For the meantime dumiskarte muna
Ng tatayaan mamaya sa karera
Wala akong masabi, wala akong makita
Kasi nga ay nawawala ang aking programa.... huhuhu.

[eufsangels]

Oy, Tito EUFS, basketball ka dyan
Para namang hindi mo namamalayan
Sa SLLP karera'y pinagtampuhan
Si Pareng Reyno (hehehe) ay kawawa naman.

Nasabay pa nga ang pang-iintriga
Sa kumare kong si Marian Rivera.
Video sa youtube ay todo-bandera
Ayun si Marian, galit at nagmumura.

Mabuti pa kaya ay hintayin natin
At baka ang uwak ay puputi na rin
Kung si Obama ay tunay na papalarin
Sa election doon sa probinsya namin.

For the meantime dumiskarte muna
Ng tatayaan mamaya sa karera
Wala akong masabi, wala akong makita
Kasi nga ay nawawala ang aking programa.... huhuhu.

Napakatagal na hindi ko namalayan,
Lubhang nakalimutan itong tambayan!
Nawala sa wisyo ang aking kamalayan,
Kaya itong puso biglang nagumihilanan!

Kapatid na Alasan, tinura'y puro tama,
Mundo natin ang pagbabago'y bigla!
Ang biglang hilig sa larong may bola,
Ay dahil sa Boston na umaarangkada!

Ang pagtaya ko'y weekend na lang,
Dahil mga makina sa OTB ay kulang!
Minsa'y umalalma minsa'y nasa katinuan,
Makina ng United Tote, kailan papalitan? 

Sana naman sa akin muling pagbabalik,
Dito sa Tambayan sana'y may pumanhik!
Di lang kami ni Alasan na dito'y humihibik,
San kayo rin tumambay at dito'y maghilik!

[Alasan]

Totoo nga kaya ang mga alingasngas
Sa nalalapit na pagsara't pagkatodas?
Hindi karerahan at hindi rin tindahan
Malamang-lamang na isang kapitbahay.

Ang pagtungo naman doon sa Cavite
Ay para bagang todo-todo bale.
Mga kuwadra'y naayos at murang paupa
Sigurado na ba sa Agosto ang karera?

Pero bakit ba hindi umaasenso
Ang mga bentahan ay tila paralisado?
Wala nga bang pera o ang promo ay mahina?
Syempre ang mga tao, inuuna ay sikmura.