TAMBAYANG TULA AT BALAGTASAN!

[arniebartley]

Magandang araw, mga minamahal
Nawa'y sumainyo pagpapala ng Maykapal
Madalang makatulâ sa trabaho'y supalpal
Kaya lagi na lang panulat ko'y nakabusal!

Mabuti at nariyan ka, mahal kong 'Insan
Upang 'yong punan ang mga pagkukulang
Pasasaan ba't dadalaw rin naman
Ang ibang kamakatang sa tulaa'y batikan!

[eufsangels]

Magandang umaga, mga ginigiliw
Dito sa PHF na puno nang aliw
Sana'y panatag ang araw ninyo
Hanggang malubos ang buong linggo...

[arniebartley]

Mahal na Utol magandang umaga rin
Ganoon din sa ka-PHF mga kaibigan natin
Nawa ang Panginoon kayo'y pagpalain
Sa lahat ng inyong mga gawain!

Ako naman po ay mabuting-mabuti
Ilang araw na lang at balik sa home country
Muling makikita ang mahal kong family
At nawa'y makita rin, ka-PHF sa isang EB!

[eufsangels]

Bon voyage sa iyo, mahal na kapatad
Sana'y maging tahimik ang 'yong paglipad
Tayo'y magpipiging sa 'yong pagdating
Sa dulang na malapad at puno ng kakanin...

[arniebartley]

Maraming salamat mahal kong Kapatid
Handang-handa na 'ko sa 'king pagbalik
Ang mga dalahin ay akin nang isinilid
Kasama na ang pasalubong na hitik!

Isalang mo na, araw ng ating piging
Upang 'di na ako muling makailing
Nang akin namang ka-PHF makapiling
Sa malapad na dulang sama-samang kumain!

[eufsangels]

Maraming araw na ang nakatatak
Mga EB, pang-sports man o' payak
Pipili na lang ng araw na igagayak
Piging na ang lahat ay hahalakhak...

[arniebartley]

Mabuti naman at handa na pala
Ako na lamang ang mamimili ng petsa
Kun'di man isang araw kahit pa dalawa
Upang kayong lahat ay aking makasama!

[arniebartley]

Gusto ko nga rin na ako'y makalarò
Sa bowling, billiards, basketball o kahit na pikô
Basta physical fitness ay hindi maglahò
Nais kong makasama sa inyong mga larô!

Nawa ay magkaroon din ng tennis club
Kahit pa madalang niyo akong masalakab
Sasapi rin ako kahit paglalaro'y madalang
Ang pagpapalakas ng katawa'y isinaaalang-alang!

[eufsangels]

Sa iyong pagdating ay pangatlong araw na
Ang aming paligsahang bolilyo ang ginigiba
Ngunit kung magtatagal sa lupang sinilangan
May panahon pang magtuos tayo sa bolingan...

[arniebartley]

Maganda ang balakin mo aking Utol
Mainam mag one-on-one muna tayo sa Robinson's
Magharap tayo sa billiards at sa bowling
Upang malaman kung saang category ibabaling!

[eufsangels]

Tama ka utol ko at tayo'y mag-bonding
Maglaro sa Robinson's ng bilyar at boling
Kasamang lahat, asawa't mga tsikiting
At matutuhan nila mga laro ng magiting...

[arniebartley]

Ako ay payag sa iyong mga plano
Para bang ako'y nabulol sa salitang eroplano
Ang ibig sabihin sa balak mo'y payag ako
Isama natin asawa't anak at masayang sigurado!

[eufsangels]

Ang aking unang alay na tula sa Tambayan na sinimulan ko noong Marso 15, 2008 ay tungkol sa Inang Kalikasan (Mother Nature)... kailangan pa ba nating ulit-ulitin ang tulang ito o' ipaalala sa inyo ang nangyari sa Ormoc City, Ginsaugon... at ngayon ang pinaka-maunlad na NCR at karatig pook...


LIKAS NA YAMAN

Napakaganda nitong ating mundo
Bakit wala nang nagmamalasakit dito,
Lahi ng mga hayop ay nagkakaubos na
Nangangawala na rin pati lahi ng isda!

Magagandang halaman, matataas na puno
Dati kong nakikita,  mayabong at malago,
Ngayo’y wala na sa kalbong mga bundok
Wala nang makita saan mang mga sulok!

Nakita ng mga tao masamang ibinunga
Pagwawalang bahala sa yamang likas nga,
Mga bundok ay gumuho, dagat ay umapaw
Maraming nasalanta sa mundong ibabaw!

Kailan ka pa gigising taong marikit
Diyos sa iyo’y nakatingin, ‘di pumipikit,
Hihintayin mo pa bang malagay sa panganib
Tanging mundo nating tigib ng pag-ibig!

[arniebartley]

Nakakapanlumò

Ang huling sakuna ay nakakapanlumò
Aking nabalitaan ang Pilipinas ay 'ginupò
Ang bagyong si Ondoy parang torong sumurò
Lakas ng hangin niya't ulan sa kabuhaya'y nagpaguhò!

Ang ganitong pangyayari'y nakalulungkot isipin
Dahil sa kamangmangan ng mga pinuno natin
Mga puno'y tinabas at bundok ay pinatag din
Kaya naging pananggalang ay mga buhay natin!

Mga putik ang nagtabon doon sa mga bangkay
'Di ba kung tubig lang, baka sila pa ay buhay?
Hindi kaya ito ay galing doon sa Montalban
Na inanod ng bahâ ang hinukay na putikan?

Kahit pa aminin na sila'y nagkamalì
Mga pinuno nati'y 'di na dapat manatilì
Sa kanilang upuan dapat ay tsumupî
Dahil higit pa sa nangyari ang kanilang mga gawî!

Sila ay masahol pa roon kay Ondoy
Marami pa silang ilulubog sa kumunoy
Dalangin ko na lang na sila'y maitaboy
Bago pa sila'y sunugin sa asupre't apoy!

Wala na nga ba tayong mapagpipilian?
Mga pinuno ng bayang matitino ang isipan?
Wala na bang isip ang mga mamamayan?
Tayo ba'y kayang bulagin ng kamangmangan?

[eufsangels]

Agiw sa Tambaya'y aking papalisin
Maruming bulwagan ay wawalisin
Mga manunula, hala kayo'y gumising
Halina't magpunta sa ating mga piging

Meron sa hilaga, dakong Parañaque
Magkakaroon ng PALM Chapter EB
Sa dakong timog, doon sa Starmall
Billiards at bowling, may halong SML...