TAMBAYANG TULA AT BALAGTASAN!

[tampogi]

 

Sa darating na Sabado, a dose ng Disyembre
Muli tayong magkikita, duon sa WYNN's OTB
Upang ating pagsaluhan, tamis ng ating samahan
Nang ating malasahan, sarap nitong kapaskuhan

Ikaw ba kaibigan, nakalista na sa talaan
Unti-unti nang nauubos, nakareserbang upuan
Mahirap maubusan, sa limitadong bulwagan
Kung saan gaganapin, year ender na kapistahan

Importanteng okasyon, gaganapin sa Mandaluyong
Kaya ikaw kaibigan, hayo na at sumulong
Duon tayo magkikita, h'wag mo sanang kalimutan
Si Tampogi'y umaasa, darating ka sa tipanan

[eufsangels]

PIGING SA PASKO...

Piging sa Pasko ay pinaghandaan
Ang tanging tema'y yung sayawan
Tayo'y magsasaya at mag-iindakan
Walang halong biro, aking kaibigan

Ang araw ng Piging ay dumating na
Ang lahat ay gayak na at nahahalina
Upang tunguhin ang lugar na naiiba
Ang mga kaibigan sa PHF, doo'y makikita

At nagsimula na nga itong ating piging
Maraming kumikilos sa liwanag at dilim
May mga sumasayaw at humalinghing
At mabining sayaw ni Anang mahinhin

Ang aking kabiyak, bigla akong hinatak
Sa Nobody, nobody but you kami'y umindak
Ako'y parang hiya sa sinasayaw na payak
Buti na lang at hindi kasama ang mga anak

Sa aking kabiyak, may kamay na humatak
Isinayaw na magiliw at sila'y umindak
Si Prof Rolly pala'y magaling pumadyak
Sa saliw ng "Swing", paa nila'y pumlakatak

Ang piging na may kantahan at sayawan
Tunay na nilugod itong buong tahanan
Sa taong ito, PHF ay lubhang napunuan
Nang walang hanggang "PAGKAKAIBIGAN"!!!

[eufsangels]

MALIGAYANG PASKO SA LAHAT!

Simoy ng hangi'y anong kay lamig
Ngunit kay init ng dalang pag-ibig
Panahon na laging nagpapahiwatig
Na tayo'y nailigtas dahil sa pag-ibig

Ang pagsilang ng ating tagapagligtas
Ay laging isa-puso at ating ipamalas
Na may Lumikhang pag-ibig ay wagas
Bugtong na anak, ini-alay sa ating lahat!

Kaya sa mga araw nating masalimuot
Bigyan ng tuon ang aral na napulot
Pag-Ibig ng Diyos ang siya lang magbibigkis
Sa sankatauhang nagbabata't nagtitikis!

Dito sa PHF ay atin nang umpisahan
Mabuting samahan at pagkakaibigan
Ating batiin nang may pagbubunyi
MALIGAYANG PASKO sa mga kasapi!!!

[satocjr]

MALIGAYANG PASKO SA LAHAT!

Simoy ng hangi'y anong kay lamig
Ngunit kay init ng dalang pag-ibig
Panahon na laging nagpapahiwatig
Na tayo'y nailigtas dahil sa pag-ibig

Ang pagsilang ng ating tagapagligtas
Ay laging isa-puso at ating ipamalas
Na may Lumikhang pag-ibig ay wagas
Bugtong na anak, ini-alay sa ating lahat!

Kaya sa mga araw nating masalimuot
Bigyan ng tuon ang aral na napulot
Pag-Ibig ng Diyos ang siya lang magbibigkis
Sa sankatauhang nagbabata't nagtitikis!

Dito sa PHF ay atin nang umpisahan
Mabuting samahan at pagkakaibigan
Ating batiin nang may pagbubunyi
MALIGAYANG PASKO sa mga kasapi!!!

maligayang pasko po sa lahat  [/glow][/u][/i][/b]

[arniebartley]

M-aligayang Pasko rin sa iyo, Utol ko
A-t ganoon din naman sa lahat ng narito
L-abis ang galak ko sa Paskong ito
I-pagdiriwang kong kasama kayong mahal ko
G-abundok na pagpapala ang ating tinanggap
A-ng lahat ng mga ito'y mula sa Mesiyas
Y-aman ng Diyos, Kanyang bugtong na Anak
A-y nagkatawang-tao upang tayo'y iligtas
N-aglihi ang dalaga ng isang lalaki
G-aya ng hula ng propetang nagsabi

P-inamuhay Niya'y kalooban ng Diyos
A-ng Espiritung Banal sa Kanya'y pumuspos
S-akdal na Tao ang Panginoong Hesus
K-aligtasan Siya at Dakilang Manunubos
O-sana sa kaitasan, purihin ang Diyos!

[eufsangels]

Araw ko ay nanlulumo
May hinahanap ang puso
Dahil sa pagkasiphayo
Mga kaibiga'y lumayo...

[eufsangels]

Gusto ko lamang balikan ang isa sa aking mga naunang tula... galing sa "The Secret Ministries of PHF" na gawa ni GM Gabz (Articles, Issues and Stories)... aking isinulat noong 07 August 2008...

ANG PHF AY MABUTI

Bakit nga ba ang PHF ay buhay na buhay?
Anong hiwaga ba ang kanyang tinataglay?
Ang mga alagad sa PAGTITIPON ay panay,
Mabisa ang PAALALA sa lahat ng nakatunghay!

Meron punong abala sa mga gagamitin,
At kailangang mag-abiso sa mga gastusin!
Ano mang pakulo ay kanyang gagawin,
Makalikom lamang para sa mga bayarin!

Meron din po tayong  mga nagpaPASTOL,
Mga nagdarasal at bihasa sa pagtulong!
Ang lingkod na banal, galing sa Panginoon,
Itinataas ang mga alagad sa pagtitipon!

Ang isa pang kailangan dito sa samahan,
Ay isang Pinuno na laging sasandalan!
Magaling mag-ayos kung may bangayan,
Tinuturo ang pag-ibig sa isang kaibigan!

Ang panghuli ay sadyang napakarami,
Puno ng pag-asa sa samahang pinili!
Kayong lahat na ROUs sa bahay na tangi,
Mabuhay ang PHF at tayo'y magbunyi!

[eufsangels]

Tambayan ko ay sadyang salat
Dito sa hibla'y walang sumusulat
Panahon na tila abala ang lahat
Kailan kaya ito palagiang aangat?

Insan at utol, nasaan na kayo?
Dugtungan nawa itong obra ko
Nais madama ang tibok ng puso nyo'
At mabasa ang bawat sinasaad nito...

[tampogi]

Pasensya na aking pinsan, ako'y nalilibang din magkaminsan
At bihira ng mapasyalan, itong ating naging tambayan
Bagaman ako ay natagalan, sa nagawa ko na pagliban
Unti-unti rin ay babawi, itong si insan mo na TAMPOGI

Medyo pa-impress lamang ako, dahil trabaho ko ay bago
Kaya di masyadong magalugad, itong ating naging pugad
Pasasaan ba at magagamayan, trabahong bago sa karanasan
Konting time pa at ayos na, trabaho ko'y memorized na

[eufsangels]

Salamat at ika'y nadalaw
Gawin sanang araw-araw
Mahal kong Insang kay pogi
Na kung tawagin ay Tampogi

Unahin ang pangkabuhayan
Dahil iyan ang inaasahan
Pamilyang mahal ay tustusan
Nang galing sa pinagpawisan...

[arniebartley]

Magandang araw po, good day to all
Pasensiya na, sorry, mahal kong Utol
Madalang madalaw sa hiblang 'to sa sapot
At ang mga tula ko ay lubhang naudlot!

Anyway, anyhow, haw haw de karabaw
Pipilitin ko po na araw-araw ay dumalaw
Upang mga tula ko'y muling ihalihaw
At magbigay sigla sa mga dumurungaw!

 

[eufsangels]

Magandang araw sa inyong lahat
Lalo ang mga mata'y dito nakamulat
Sana'y dalasan ang inyong pagsipat
Sa hibla ng mga batikang manunulat

Salamat, insan at utol kong mahal
Kahit ilang sandali hibla'y napagtuunan
Ang inyong lahok na tula't balagtasan
Sana'y lagi ko nang masusumpungan...

[yajiba]

Magandang araw katotong Sir Ernet
Ako man ay tila nakalimot
pagbisita sa tambayan ay tila di nagagawa
sa sangkatutak na gawain kaya biglang nawala

Ito ako ngayon at nagpapahiwatig
para naman muling manumbalik
ang pagkahilig sa paghabi ng salita
para maitulad sa isang makata

[eufsangels]

Maraming salamat, kapatid na Yajiba
Sa paghabi ng mga tula'y di ka naiiba
Sana'y bumalik at sumulat pa ng obra
Lalo na kay Abi na sa puso mo'y nag-iisa...

[eufsangels]

Kagabi'y napanood ko si Makata Tawanan
Ako'y nagkaroon ng busilak na kasiyahan
Ang lumang karunungang aking natutuhan
Biglang namayagpag sa buong sangkatauhan

Salamat sa isang batang bibo at makata
Ang balagtasan ay sinamahan ng tuwa
Ang matalino at sadyang mabilis magsalita
Kanyang napa-ibig si juday at alessandra...